Lorena Piteira Espinosa, que residía habitualmente na Coruña, desaparecera en novembro de 2016 en Lugo e, desde entón, aínda que se detectaron algúns movementos posibles vinculados con ela, non se localizou. Porén, familiares seus confirmaron a Europa Press que a última hora de onte, 5 de maio, recibiron unha chamada na que se avisaba de fora localizada.

“Chamáronme, dixéronme que estaba ben. Pero non me deron máis información, dixéronme que me dirían algo máis esta semana”, explicou a Europa Press un familiar da muller, de 47 anos. Este familiar indicou que non puideron falar polo momento e que o contacto telefónico coa Policía fora “moi conciso”.

Malia que a desaparición foi denunciada o 1 de novembro do 2016, sóubose dalgún movemento relacionado a ela en Santiago de Compostela e Camariñas no 2018. Segundo a ficha da Policía Nacional, os seus familiares cren que pode estar influenciada por algún “movemento simpatizante das ciencias ocultas e da meditación”.