InicioSucesosSancionados outros sete 'gorrillas' na contorna do HULA

Sancionados outros sete ‘gorrillas’ na contorna do HULA

A Policía Local advertiulles que, de continuar con esa actividade ilegal, porían os feitos en coñecemento da autoridade competente.

PUBLICADA O

- Advertisement -

A Policía Local sancionou outros sete individuos que exercían de ‘gorrillas‘ na contorna do Hospital Universitario Lucus Augusti (HULA).

O dispositivo policial levouse a cabo o martes 28 de xaneiro, co fin de “combater a actividade ilegal de aparcacoches”.  En concreto, os axentes identificaron e denunciaron a sete individuos que realizaban “a actividade de indicar aos condutores desde a calzada os lugares de aparcadoiro dispoñibles, pondo en risco a súa integridade e a seguridade viaria”, subliñou a Policía Local.

Por iso, efectuaron actas por infracción á Lei de Seguridade Viaria e á ordenanza municipal de circulación por “realizar a citada actividade na vía pública ou espazos exteriores, sen autorización, ocasionando molestias, perigo e prexuízo ás persoas usuarias dos vehículos e obstucalizando a circulación”, indicaron as mesmas fontes policiais.

Ademais, os axentes requiríronlles a estes gorrillas que “depuxesen a súa actitude” e informáronos de que “de persistir na súa conduta, poranse estes feitos en coñecemento da autoridade competente por se fosen constitutivos doutro ilícito administrativo de maior gravidade”.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...