InicioSucesosAtopan un octoxenario desorientado que desaparecera en Lugo

Atopan un octoxenario desorientado que desaparecera en Lugo

O home foi localizado nunha zona boscosa próxima ao seu domicilio, na parroquia de Teixeiro.

PUBLICADA O

- Advertisement -

Axentes da Policía Nacional atoparon nunha zona boscosa de Lugo a un home de 87 anos que desaparecera. Localizárono desorientado, produto das lagoas mentais que padece e que lle fan perder a noción do espazo.

Segundo informou a Policía Nacional, a última hora da tarde deste luns, a sala do 091 recibiu aviso da desaparición desta persoa na parroquia de Teixeiro. Descoñecían o seu paradoiro desde as 16:00 horas, polo que se puxo en marcha un dispositivo para a súa localización, coa implicación dos indicativos dispoñibles de Radiopatrullas e a colaboración dos integrantes da Brigada de Policía Policial Xudicial.

O domicilio da persoa desaparecida atópase entre unha zona boscosa, así que alí foi onde se estableceu o dispositivo, que tamén contou coa colaboración dos veciños. Os seus familiares manifestaron que, a pesar dos achaques que padece, o octoxenario “podía camiñar sen dificultade”.

“A maleza” existente nesta área complicaba o acceso, pero os efectivos camiñaban ao tempo que chamaban o home polo seu nome. Pareceulles escoitar unha resposta de forma débil, así que apuraron a suba para, finalmente, atopar con vida o octoxenario desaparecido.

Estaba “totalmente empapado, tiritando e con síntomas de hipotermia“, indicou a Policía, que engadiu que “camiñaba apoiado nun pau a modo de bastón”. Por iso, trataron de “darlle calor” e camiñaron ata un lugar onde puidese acceder un vehículo. Posteriormente, o home puido ser trasladadado en ambulancia ata o Hospital Universitario Lucus Augusti, onde se lle realizou unha valoración médica.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...