InicioSociedadeO Consello volve esixir a moción de censura nos Veterinarios de Lugo

O Consello volve esixir a moción de censura nos Veterinarios de Lugo

O órgano de rango superior insta novamente á presidenta do Colexio de Veterinarios de Lugo a desbloquear o debate da moción de censura

PUBLICADA O

- Advertisement -

O Consello Galego de Colexios Veterinarios insta de novo a celebrar o debate da moción de censura en Lugo. O máximo órgano decisorio da profesión en Galicia realiza esta advertencia sete meses despois do primeiro aviso á presidenta do Colexio lucense, Ana López Pombo, por negarse a acatar a vontade dos cento sesenta colexiados que solicitaron a votación.

A intervención do Consello debeuse á actitude de bloqueo de López Pombo, quen denegou a convocatoria do debate da moción de censura alegando que as sinaturas debían contar con lexitimación notarial, un requisito improcedente. Os impulsores da moción de censura solicitaron en marzo de 2018 un recurso e obtiveron o fallo favorable en xuño, decisión varias veces reiterada á presidenta Colexio de Lugo. O máximo organismo galego insta novamente a cesar no bloqueo e permitir a votación evitando “criterios arbitrarios”.

A moción de censura é o último episodio da enleada situación do Colexio de Lugo, resultado dunha xestión criticada por falta de democracia, transparencia e independencia política: en 2017, López Pombo enviou aos colexiados unha carta con membrete do Partido Popular, formación pola que é edil na corporación local de Lugo. A oposición, representada polos tres membros de Colvet Lugo Democrático na xunta de goberno, amosou maiorías abrumadoras nas asambleas ordinarias, rexeitando os orzamentos e as contas dos exercicios recentes. 

Na candidatura Colvet Lugo Democrático amósanse convencidos de que López Pombo resístese a convocar o debate da moción de censura porque sabe do rexeitamento contra a actual directiva. Por iso, agardan do Consello “que non soamente inste” á presidenta a cumprir os estatutos, “senón que asuma as responsabilidades e tome medidas disciplinarias ante esta desobediencia reiterada”.

“A presidencia do Colexio de Veterinarios de Lugo é un cargo goloso”

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...