Axentes da Policía Nacional adscritos á Brigada Provincial de Policía Xudicial esclareceron o roubo de pezas de roupa en tres establecementos do centro da cidade polo que foron investigados dous mozos.

Segundo informou a Policía Nacional, os feitos remóntanse aos días 28 e 29 de outubro, cando dous individuos homes se dedicaron a furtar diferentes pezas de roupa de nenos nos establecementos das rúas do Progreso, en dúas ocasións, e na Rúa Nova.

Unha vez os propietarios dos tres establecementos presentaron as correspondentes denuncias, procedeuse co “correspondente e laborioso labor de dar identificado os autores dos furtos”, destacaron as mesmas fontes.

Tras tomar as correspondentes declaracións e visionado de imaxes das diferentes cámaras nos comercios que foron vítimas dos furtos e dos demais que están na contorna destes, a Policía verificou que “os autores son os agora imputados por un delito leve de furto, xa que as pezas furtadas alcanzan un valor total de 363“, concreta a Policía.

Os imputados son dous homes veciños da cidade de 34 e 45 anos, respectivamente, ambos con antecedentes. De todo o instruído informouse ao xulgado de garda.