A Comisión Disciplinaria do Consello Xeral do Poder Xudicial ( CGPJ) impuxo á maxistrada María Jesús Pérez García, coñecida como a xuíza ” pitonisa” por compaxinar o seu labor coa de echadora de cartas do tarot, unha sanción de dous meses de suspensión pola tramitación de expedientes de indulto.

O Tribunal Superior de Xustiza de Galicia informou desta determinación, a cal adoptou o órgano de goberno dos xuíces debido a que esta muller asumiu unha competencia, neste caso sobre internos de centros penais, que é exclusiva do Goberno a través do Consello de Ministros.

Para motivar tal resolución, detallan que Pérez García, cando era titular do xulgado de Vixilancia Penal número tres de Lugo, incorreu nunha “falta moi grave de ignorancia inescusable”, a cal recolle o artigo 417.14 da Lei Orgánica do Poder Xudicial. Estivo destinada nese órgano xudicial entre novembro de 2016 e xuño de 2019. Na actualidade, é titular do xulgado de Violencia sobre a Muller número un da Coruña, cidade na que tamén presta servizos de adivinadora