Dúas persoas resultaron feridas despois dun sufrir un accidente no municipio lugués de Pol durante a celebración do Rali San Froilán, este sábado ao fío das 19,30 horas.

Ambas tiveron que ser atendidas polos servizos sanitarios debido a varias lesións que foron causadas polo choque do vehículo que conducían contra unha árbore.

En concreto, o sinistro produciuse ás 19,30 horas, despois de que un dos coches que participaba na competición saíse da vía e chocase contra unha árbore.

Segundo confirmou o 112-Galicia, os profesionais de Urxencias Sanitarias de Galicia-061 tiñan coñecemento do suceso, pero os afectados foron evacuados por medios da propia organización. Ademais, pediuse a colaboración da Garda Civil de Tráfico e os voluntarios de Protección Civil da localidade.