Un home resultou ferido ao quedar atrapado no apeiro do tractor que manexaba no municipio de Guntín, segundo informou o Centro Integral de Atención ás Emerxencias 112 Galicia.
O accidente tivo lugar ás 17,30 horas deste venres no lugar de Ferreira. A vítima foi liberada por varias persoas que presenciaron o accidente e que foron as encargadas de dar o aviso á central de emerxencias.
Ata o lugar desprazouse unha dotación de Urxencias Sanitarias 061 para atender ao ferido.
