EFE.- O condutor dun turismo resultou ileso despois de atropelar un cabalo co coche que conducía á primeira hora desta mañá na Pastoriza. Así o informaron a EFE fontes do Centro Integrado de Atención as Emerxencias de Galicia (CIAE).

O aviso do accidente recibiuse ás 06:41 horas, cando un particular alertou de que atropelara un cabalo na estrada autonómica LU-122 e que o animal resultara morto a causa do impacto. O punto concreto onde se produciu o suceso foi na parroquia de Bretoña, á altura do quilómetro 16,500 da LU-122.

O CIAE mobilizou os Bombeiros de Vilalba, o GES da Pontenova, a  Garda Civil de Tráfico e o servizo de conservación e mantemento da estrada, para proceder á retirada do cadáver e do coche, que quedou seriamente danado. Nun principio tamén se pasou aviso do accidente ao 061, pero ao non precisar asistencia sanitaria o condutor, a súa presenza non foi necesaria.