Axentes da Policía Local de Lugo detiveron a un home de idade avanzada por “tocamentos” a unha menor na cidade luguesa tras ser denunciado pola nai.

Segundo informou a Policía Local de Lugo, axentes municipais procederon a deter sobre as 20,30 horas deste luns a un home de idade avanzada como presunto autor dun delito de abuso sexual.

Os feitos ocorreron nas inmediacións da ponte romana de Lugo, onde unha muller denunciou que o individuo realizara “uns tocamentos” nas partes íntimas da súa filla menor idade.

A menor identificou “claramente” o presunto autor do feito, destacaron as mesmas fontes policiais, polo que foi detido e conducido a dependencias policiais. As dilixencias instruídas foron remitidas ao xulgado de garda.