EFE.- Os técnicos da empresa Chemtrol División Teatro S.A instalaron xa o sistema de iluminación do novo auditorio da cidade de Lugo. Esta mesma semana tamén se espera a chegada dos equipos de son, que serán colocados no patio de butacas da sala principal da infraestrutura, en cuxa obra civil a Xunta de Galicia gastouse uns 20 millóns de euros.

De feito, a obra civil do auditorio está terminada desde hai máis de dous anos, pero esta infraestrutura cultural permanece pechada porque ata agora carecía do equipamento necesario para o seu funcionamento, cuxa instalación foi adxudicada pola Xunta de Galicia por importe de 2,1 millóns de euros. Ese equipamento foi adxudicado en setembro e, de acordo co prazo de execución establecido no contrato, tería que quedar listo antes de xullo deste ano.

Fontes da propia Xunta de Galicia informaron a EFE de que, previsiblemente, os traballos de instalación do equipamento finalizarán antes do previsto e mesmo poderían adiantarse un mes, pero non estarán listos antes das eleccións locais. EFE