InicioLugo e contornaO PSOE denuncia "irregularidades" no censo electoral de Rábade e a OCE...

O PSOE denuncia “irregularidades” no censo electoral de Rábade e a OCE anula 15 posibles votantes

A OCE determina que esas persoas non residen no municipio ou que non puideron verificalo, así que deberán votar na súa anterior circunscrición electoral.

PUBLICADA O

- Advertisement -

A Oficina do Censo Electoral (OCE) anulou 15 posibles votantes en Rábade tras unha impugnación presentada esta semana polo PSOE, que solicitaran a invalidación do censo para as eleccións xerais “polo incremento de residentes significativo e inxustificado no último semestre de 2018”.

Segundo informaron os socialistas de Lugo nun comunicado, “a OCE explica na resolución que o Concello de Rábade (gobernado por un grupo de independentes), tras as investigacións realizadas, determinou que 15 persoas non residen no municipio ou non puideron verificar a súa residencia”. Como consecuencia, “a OCE decidiu retrotraer estes cidadáns á súa anterior circunscrición municipal, polo que non poderán votar no Concello de Rábade”.

O PSOE informou de que “as persoas afectadas teñen a posibilidade de presentar un recurso contencioso administrativo nun prazo de cinco días”. Ademais, os socialistas valoraron “positivamente” o ditame da OCE xa que “asegura a integridade nas votacións para as eleccións xerais”, e lamentaron que se produzan unhas irregularidades que “ensucian a imaxe da política”.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...