Durante a madrugada desactivouse a alerta por neve na Montaña lucense, mais este mércores o perigo consistirá en refachos de vento superiores a 80 quilómetros por hora. Este fenómeno irá perdendo forza cara o mediodía, mais ao fío das nove da mañá rexistrouse un refacho máximo de 91,9 en Pedrafita do Cebreiro.
No resto de zonas da Montaña non se superaron os 80 quilómetros por hora, con máximos de 73,4 km/h en Cervantes. Na xornada do martes, porén, a medición máis elevada correspondeu á localidade de Baleira, con 80,3 km/h.
