A Audiencia Provincial de Lugo condenou a un ano e medio de cárcere a unha nova, nacida en 1993 e veciña de Lugo, por un trapicheo de dous gramos de cocaína. Segundo os feitos probados no fallo, a muller entregou a un home unha bolsita con 2,55 gramos de cocaína, cun valor no mercado próximo a 500 euros, polo que recibiu diñeiro a cambio.

A transacción produciuse entre a rúa Río Sil a Avenida Infanta Elena de Lugo na tarde do 12 de novembro de 2024. De tal forma, a Audiencia Provincial condena á muller por un delito contra a saúde publica na modalidade de sustancias que causan grave dano á saúde, de menor entidade. Ademais, imponlle o pago dunha multa de 248 euros.