O delegado do Goberno en Galicia, Pedro Blanco, ratificou que “nas próximas semanas” abrirá o tramo Melide-Palas de Rei da autovía A-54, que une Santiago e Lugo. “Este goberno cumpre cos lucenses”, reivindicou o representante do Executivo, que sinalou que a finalización da autovía suporá “un antes e un despois na comunicación da Galicia interior” e permitirá “reducir á metade o tempo de desprazamento actual entre Lugo e a capital de Galicia”.
Faltaría agora por terminar o tramo que une Arzúa con Melide para ver completa esta infraestrutura e que, segundo comprometeuse o ministro de Transportes, Óscar Puente, estaría concluída a finais do próximo ano 2025. Precisamente, Pedro Blanco quixo pór en valor o “compromiso” do ministro Óscar Puente, que “desde o primeiro día está a traballar para dar resposta a demandas históricas de Lugo e de Galicia”.
