InicioPolíticaValos publicitarios do PP contra o goberno de Lugo: "PSOE e BNG...

Valos publicitarios do PP contra o goberno de Lugo: “PSOE e BNG vanche subir os impostos para o seu malgasto”

O PP de Lugo continúa coa súa acción contra o bipartito de Lugo e manteñen que, con "unha mellor xestión, por parte do goberno local, non sería necesaria esta subida de impostos nunca vista"

PUBLICADA O

- Advertisement -

O PP de Lugo colocou dous valos publicitarios co slogan “PSOE e BNG vanche subir os impostos para o seu malgasto” para que, segun explican os populares, “cada veciño e veciña coñeza a realidade do que lle van a subir os recibos en 2025”. Unha delas atópase na rúa Xosé Castiñeira, na contorna dos conservatorios. A outra na Campiña, na estrada de Vegadeo.

O goberno bipartito do Concello de Lugo confórmano o PSOE e o BNG, que aprobaron o pasado 26 de setembro unha subida de impostos de face ao 2025. A oposicón local, que votou en contra, mostrouse desconforme desde un primeiro momento e cualificouno como un “incremento inxustificado”.

Proxectos como o carril bici, o impulso verde, a rampla do Miño e a piscina de Caldas do Miño son cos que se mostra máis crítico o PP lucense. Considera que supuxeron “investimentos millonarios” e que a pesar diso, “non teñen uso” nin “ningún valor engadido”.

Así, os populares continúan coa súa acción contra o bipartito de Lugo e manteñen que, con “unha mellor xestión, por parte do goberno local, non sería necesaria esta subida de impostos nunca vista”.

+ posts

ÚLTIMAS

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...

Frustrado un roubo nunha nave industrial en Lugo e detido un dos implicados

Axentes da Policía Nacional de Lugo detiveron un home como presunto autor dunha tentativa...

Detidas en Lugo unha nai e a súa filla por unha suposta agresión mutua

A Policía Local de Lugo detivo unha muller e a súa filla como presuntas...