O PP de Becerreá arroupou no Parlamento a veciños que forman parte da plataforma Prol Residencia para esixir ao presidente da Deputación de Lugo, José Tomé, a apertura do centro comarcal de atención a maiores.

Segundo denuncia nun comunicado de prensa, este centro leva case tres anos finalizado “e aínda pechado sen ofrecer servizo aos veciños da comarca e sen xerar postos de traballo”.

Os populares apoian o que consideran unha “xusta reivindicación” para a posta en marcha da residencia e esixen “partidas orzamentarias concretas” para garantir o equipamento e “realizar todos os trámites que sexan necesarios para que a súa apertura sexa unha realidade”.