- Advertisement -
Un traballador do servizo de mantemento de estradas resultou ferido ao ser atropelado por un camión nun tramo de obras da A-6 ao seu paso polo municipio lugués de Baralla.
O sinistro produciuse ás 13,30 horas deste xoves á altura do quilómetro 461 da autovía en sentido Madrid, na parroquia de San Miguel de Neira de Rei, segundo trasladou o CIAE 112 Galicia.
O operario foi alcanzado por un camión nunha zona onde se realizan traballos na vía. Ata alí mobilizáronse efectivos de Urxencias Sanitarias 061 para atender ao ferido, que se atopaba accesible.
