A Policía Local formulou denuncia por organizar unha acampada sen autorización no merendero do río Miño en Lugo no marco dunha festa na que había un grupo de once persoas.
Segundo informa, a maioría dos asistentes, aparentemente, atopábanse afectados pola inxesta de bebidas alcohólicas ou algunha outra sustancia.
Os feitos producíronse na noite do pasado 17 de agosto e tívose constancia tras recibir varias chamadas con queixas sobre o ruído procedente da zona.
Á súa chegada, atoparon unha mesa de mesturas, varios altofalantes, un equipo de luces, un xerador de combustión e unha tenda de campaña, instalada no medio do camiño e cortando o paso, ademais doutros elementos como unha batería de automóbil e unha bombona de butano, así como unha grella.
Tras valorar as molestias que causaban, o risco de incendio e o corte do acceso, así como a falta de autorización, os axentes ordenaron o cesamento inmediato da mesma. Tamén se abriu actua-denuncia por posibles infraccións en relación aos feitos e o lugar escollido.
