A Deputación de Lugo anunciou que a partir deste martes, día 13 de agosto, e ata o vindeiro luns, día 19, quedará cortada a estrada provincial LU-P-1105 ao seu paso por Castro de Rei debido ás obras que se están realizando na devandita vía.

Tal como indicou o ente provincial, o corte afectará o tramo que vai desde o punto quilométrico 3,365 ata o 6,003, polo que se habilitarán desvíos alternativos que estarán debidamente sinalizados.

A semana pasada, a Deputación anunciou o inicio das obras de mellora da estrada que conecta Ponche de Outeiro co cinto comarcal en Castro de Rei.

Os traballos, nos que se invisten case 130.000 euros, consisten na reapertura das cunetas, pavimentación con aglomerado en quente e na reposición da sinalización.