Unha auxiliar de axuda no fogar de 33 anos permanece investigada como presunta autora dun delito de furto por levar dunha casa que visitaba en Castroverde 2.200 euros e unha cartilla bancaria.
Segundo informou este mércores a Garda Civil de Lugo, a investigada é veciña do mesmo municipio onde cometeu o suposto feito delituoso.
A auxiliar de axuda no fogar visitaba un domicilio do subtraeu un cartafol que tiña 2.200 euros, ademais dunha cartilla bancaria.
DANOS E AMEAZAS
Ademais, un veciño de Cambre de 35 anos tamén está a ser investigado como suposto autor dun delito de ameazas e danos proferidos contra unha veciña de Monterroso.
Segundo o relato da Garda Civil, o individuo presentouse na casa da vítima, onde a ameazou e causou danos nunha porta de madeira. O xulgado número 1 de Chantada instrúe as dilixencias.
