O home de 40 anos que se atopaba desaparecido en Lugo desde o pasado 22 de decembro foi localizado polos seus achegados, segundo informou este mércores SOS Desaparecidos. A Policía Nacional activou a finais de decembro o protocolo de procura para dar co paradoiro deste home cuxa desaparición fora denunciada polos seus familiares. A asociación SOS Desaparecidos comunicou a través das súas redes sociais a desactivación da alerta despois de que o home fose localizado.