O FIV de Vilalba, festival de música independente, celebrará a súa XVIII edición os días 26 e 27 de abril para a que se porán á venda as entradas a partir das 10,00 horas deste xoves.
As primeiras confirmacións do cartel desvelaranse nas próximas semanas. Con todo, saen este xoves á venda os abonos ‘fivers’ –entradas para os dous días da programación que irán desde 25 euros a 45, segundo se esgoten–.
O festival volve localizarse, como nas súas primeiras edicións, na praza da Constitución de Vilalba. Tal como explica o equipo de comunicación do festival, retomarase un formato “máis íntimo” e con “mellor” accesibilidade para os veciños para así fomentar a relación cos negocios locais.
Na última edición, o FIV de Vilalba alcanzou o seu máximo de asistentes con 6.000 persoas en todo o fin de semana. As prazas hoteleiras da localidade e dos arredores enchéronse con visitantes do catro provincias galegas, pero tamén doutras comunidades como Castela León, Asturias ou Cataluña.
