- Advertisement -
Unhas 200 troitas, de entre 28 e sete centímetros, apareceron mortas no río Ferreira, no municipio de Palas de Rei, segundo confirmou a Europa Press a Consellería de Medio Ambiente.
Tras ter constancia do sucedido, desprazáronse ao lugar axentes ambientais da Xunta. Desde o departamento autonómico, indican que agora se analizarán os exemplares para tratar de pescudar a causa do sucedido.
“E estudaranse as posibles causas aínda que, polo momento, é pronto para determinalas”, precisaron desde a Consellería de Medio Ambiente.
Con todo, non descartaron a posibilidade de que, en concreto, “a calor e o baixo nivel do caudal do río poden ter relación co incidente”.
