O delegado do Goberno en Galicia, José Ramón Gómez Besteiro, reiterou o “compromiso serio” do Executivo de concluír un dos viadutos do Castro, na A-6, a finais de ano.
A preguntas dos xornalistas, nun encontro informativo organizado pola demarcación coruñesa do Colexio Profesional de Xornalistas de Galicia, asegurou que “o prioritario é a seguridade e logo os criterios técnicos”, ao ser preguntado pola posibilidade de conclusión dos dous viadutos á vez.
“Nin os recursos persoais nin económicos van ser un problema”, engadiu Besteiro, quen insistiu no compromiso de terminar o primeiro viaduto, sentido Madrid, a finais deste ano.
