InicioSociedadeInclusión abrirá un centro de acollida de refuxiados en Castro de Rei...

Inclusión abrirá un centro de acollida de refuxiados en Castro de Rei para 250 persoas

As obras comezarán o ano que vén

PUBLICADA O

- Advertisement -

O Ministerio de Inclusión, Seguridade Social e Migracións acordou coa Deputación de Lugo a posta en marcha dun centro de acollida de protección internacional (CAPI) en Castro de Rei.

O desenvolvemento deste centro será posible grazas á cesión realizada pola deputación dunha parcela de case 43.000 metros cadrados, na que se sitúa un hospital en desuso, segundo informou o Ministerio de Inclusión nun comunicado.

O centro de Castro de Rei, cuxas obras comezarán o ano que vén, terá unha capacidade para 250 persoas nun recinto no que haberá espazos comúns, ademais do comedor, talleres e espazos deportivos deseñados polo Comité Olímpico Español (COE). O Ministerio realizará un investimento duns 12 millóns de euros e estímase que a posta en marcha do CAPI creará entre 20 e 25 empregos directos, e uns 45 indirectos.

O ministro de Inclusión, José Luís Escrivá, transmitiu ao presidente da deputación de Lugo, José Tomé Roca, o seu agradecemento pola colaboración para facer posible que Galicia e, en concreto este municipio, participe na integración das persoas solicitantes de protección internacional que acceden ao sistema de acollida.

O presidente provincial sinalou que “a satisfacción hoxe é enorme e é dobre”, porque conseguen “recuperar para uso público estes terreos públicos grazas á iniciativa e ao apoio do Goberno do Estado” e porque o fan con “un proxecto de alto valor social, que prestará unha atención adecuada e inmediata a esas persoas que, desgraciadamente, teñen que saír dos seus países de orixe por unha situación de emerxencia”.

ÚLTIMAS

TSXG declara nulo o ‘catastrazo’ de Sarria tras unha demanda colectiva

A Sección Cuarta do Contencioso Administrativo do Tribunal Superior de Xustiza de Galicia declarou...

Detido un home por presuntas ameazas de morte contra a súa muller

A Policía Local de Lugo detivo por violencia de xénero a un home no...

A Deputación investirá máis de medio millón de euros en vías de Castroverde

A xunta de goberno da Deputación de Lugo aprobou este venres novas investimentos por...