Os municipios de Baltar e A Mezquita, ambos na provincia de Ourense, rexistraron as temperaturas mínimas máis baixas na madrugada e primeiras horas deste mércores, nunha nova xornada de xeadas no interior.
Concretamente, en altitude por baixo de 900 metros, o municipio de Baltar rexistrou -6,4 graos, sendo por segunda xornada consecutiva a estación onde o mercurio máis descendeu na Comunidade galega.
Pola súa banda, en zonas de montaña (máis de 900 metros), A Mezquita rexistrou -6,3 graos. Con temperaturas por baixo dos 4 graos negativos tamén se situou Pedrafita do Cebreiro (Lugo), -5,6 graos; seguidas das estacións –na provincia de Ourense– da Veiga (-5,6), Vilariño de Conso (-5,1) e A Veiga (-4,4).
De novo por baixo dos 900 metros, sitúanse Verín (-5,6), Xinzo de Limia (-5,3), Viana do Bolo (-5,2), todas elas na provincia de Lugo; e Sarria (-4,6).
O aviso por baixas temperaturas (menos de 4 graos baixo cero) quedou desactivado en Ourense desde as 9,00 horas. Para este xoves, Meteogalicia avisa de nivel amarelo por vento do nordés no mar en toda a costa da Coruña e Pontevedra, entre as 15 e as 21 horas.
