Os traballadores do centro de saúde da cidade de Lugo, en Fingoi, atenden sobre “150 a 200 pacientes” ao día, ademais duns vinte desprazamentos para a Atención a Domicilio, segundo denuncia o sindicato de enfermaría Satse.
En concreto, o delegado de Satse en Lugo, Manuel Veiga, sinalou que “nunha garda de 17 horas, aténdense sobre 150 ou douscentos pacientes“. “Pero xa non só é o número de pacientes, se non tamén que hai que ver que igual temos que acudir a vinte domicilios”, engadiu.
“A dispersión xeográfica é importante e igual temos que ir ver pacientes que viven preto de Friol, co que un equipo de médico e enfermeira desprázase e pode estar tranquilamente dúas ou tres horas fóra do centro“, pormenorizou.
Manuel Veiga tamén certificou que a espera no devandito centro de saúde adoita “oscilar entre as dúas e o tres horas” para unha consulta.
Desde Satse insístese en denunciar a “sobresaturación dos servizos de urxencias”, que atribúen á “falta de médicos e persoal de enfermaría”. Diso, culpan á desatención da Dirección Médica e de Enfermaría e non descarta pedir a súa dimisión.
