InicioSociedadeTransportistas sosteñen que o novo desvío da A-6 en Pedrafita "non é...

Transportistas sosteñen que o novo desvío da A-6 en Pedrafita “non é viable para camións”

Aetram estima que "se poden producir atrasos de ata vinte minutos".

PUBLICADA O

- Advertisement -

A asociación de transportistas Aetram sostén que o novo desvío habilitado na A-6 en Pedrafita do Cebreiro tras o colapso do viaduto do Castro “non é viable”.

O presidente de Aetram, Diego Arias, asegurou que o paso aberto o pasado sábado “non é viable para camións e á vista está que aos camións está a custarlles moito esa subida tan forte”.

Así, alertou de que no inverno van ter problemas, “sobre todo cando empece a chover forte”. “Vai haber problemas porque os camións non van dar subido. Ademais, arriba de todo hai unha rotonda, polo que os que saímos á autovía temos que esperar porque teñen preferencia os que veñen de Pedrafita”, subliñou.

Nesta mesma liña, Arias insistiu en que “vai ser un caos” e, engadiu, “o camión que quede na subida non vai dar arrincado”. O empresario lucense estimou que, a pesar do novo desvío, “se poden producir atrasos de ata vinte minutos, ademais do que supón ascender por esa subida en canto ao gasto en combustible”.

“De todos os xeitos o que máis nos preocupa son os atascos que se van a formar aí porque vai ser moito peor que co antigo desvío”, concluíu o presidente de Aetram, Diego Arias.

ÚLTIMAS

San Froilán 2025 amplía o seu cartel con novos artistas nacionais e internacionais

A área de Cultura do Concello de Lugo fixo pública esta mañá de luns...

Un peregrino ebrio acaba ferido nun bar de Sarria tras romper un cristal coa cabeza

Un peregrino de nacionalidade inglesa resultou ferido na tarde do domingo en Sarria despois...

A Deputación de Lugo triplica o orzamento das axudas do programa ‘O que non arde’

A área de Rural da Vicepresidencia da Deputación de Lugo acaba de abrir un novo prazo para...

O PP de Lugo acusa o goberno local de atrasar 214 días un expediente sancionador contra o Pub Las Palmeras

O grupo municipal do Partido Popular volveu reclamar este luns ao Goberno local unha solución...