InicioSociedadeNavia de Suarna abrirá a súa residencia en outubro

Navia de Suarna abrirá a súa residencia en outubro

O convenio asinado coa deputación supón un investimento de máis de 3 millóns de euros ata o ano 2025.

PUBLICADA O

- Advertisement -

O presidente da Deputación de Lugo, José Tomé, anunciou este xoves que o Centro de Atención a Maiores de Navia de Suarna comezará a funcionar no mes de outubro. Así o dixo despois de asinar co alcalde da localidade, José Fernández, o convenio específico necesario para a posta en marcha do centro, durante a celebración dunha xornada de portas abertas organizada pola institución provincial na que numerosos veciños coñeceron as instalacións, que contarán con 30 prazas e darán emprego a 25 persoas.

O convenio asinado supón un investimento de máis de 3 millóns de euros ata o ano 2025, garante a prestación pública do servizo e establece a prioridade de acceso ás prazas para os veciños de Navia de Suarna, seguidos dos de concellos limítrofes e do resto da provincia.

No texto, a Deputación comprométese a efectuar o financiamento previsto, a actuar como órgano de contratación e a impulsar un equipo técnico especializado no ámbito dos servizos sociais. Pola súa banda, o concello comprométese a colaborar coa institución provincial e a facer as achegas económicas previstas.

“Hoxe solicitamos o Permiso de Inicio de Actividade á Xunta de Galicia, e esperamos que dea unha resposta canto antes”, avanzou José Tomé, que engadiu que xa hai unha vintena de solicitudes para entrar ao centro.

ÚLTIMAS

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Unha persoa resulta ferida nun choque entre un camión cisterna e un coche en Abadín

Un camión cisterna que transportaba leite chocou contra un coche e envorcou en Abadín....

A que se debeu a grande expansión do lume no incendio de Baleira?

Os incendios que cada ano asolan Galicia destrúen a nosa paisaxe, o noso patrimonio...

Unha residencia de Vilalba deberá readmitir a unha empregada despedida por reivindicar mellores condicións laborais

O Xulgado do Social número 1 de Lugo declarou nulo o despedimento dunha traballadora...