Os pacientes hospitalizados pola Covid-19 en Galicia descenden a 703, que supoñen nove menos que o día anterior, mentres que os casos activos cambian de tendencia e aumentan no conxunto de Galicia ata os 16.728, que implican 616 máis, despois de haberse se outros 1.572 novos contaxios –catro máis–. Pola súa banda, a taxa de positividade sobe lixeiramente ata un 32,7 por cento.

Segundo os datos actualizados este xoves pola Consellería de Sanidade, con rexistros ata as 18,00 horas do mércores, recollidos por Europa Press, baixan a 21 as persoas hospitalizadas en UCI pola Covid-19 en Galicia –unha menos– e a 682 as ingresadas en unidades convencionais –oito menos–, mentres que 16.025 pacientes permanecen en seguimento nos seus domicilios. Hai unha semana –o xoves 28 de abril– había 702 ingresados, deles 21 en UCI.

Por áreas sanitarias, a presión hospitalaria alíviase en tres das sete: A Coruña-Cee, Vigo e Ferrol; mentres que aumenta nas outras catro, incluída a de Lugo, onde aumentan a seis os pacientes Covid en UCI –dous máis– e a 90 os ingresados noutras unidades –oito máis–.

AUMENTAN OS CASOS

Os casos activos de Covid-19 reverten a tendencia descendente que mantiñan desde o inicio desta semana e aumentan ata os 16.728, que supoñen 616 máis que a xornada anterior, ao haber máis contaxios (1.572), que altas (946), ao que se suman dez falecementos. O ascenso é xeneralizado nas sete áreas sanitarias, coa de Vigo á cabeza (+164). Lugo (+69) e ascende a 2.540 casos activos.

VÍTIMAS

As vítimas da pandemia pola Covid-19 en Galicia aumentan a 3.366 despois de notificar a Consellería de Sanidade este xoves outros dez falecementos de pacientes con patoloxías previas. Deles, dous tiveron lugar na provincia de Lugo. Trátase dunha muller de 98 anos que faleceu o 1 de maio e unha muller de 85 anos que morreu o 3 de maio.