Os pensionistas de Lugo estudan convocar unha acción conxunta para tratar de “colapsar” a banca privada sacando un día cen euros simultaneamente dos caixeiros automáticos en protesta polos “agravios” que sofren as persoas maiores ante o proceso de dixitalización das entidades financeiras e o peche de oficinas presenciais.
O presidente da Asociación de Pensionistas e Xubilados de Lugo, Julio Méndez, lembrou nese horizonte de “boicot” ás entidades financeiras, xa se convocou unha protesta o próximo 5 de marzo que convida a non retirar diñeiro dos caixeiros.
Méndez deslizou que a este “boicot” se lle pode ” dar unha volta” e aposta por ir sentido contrato. “Que un día vaia todo o mundo a sacar cen euros, a ver que pasa, porque pode colapsar a banca durante esa xornada”, apostilou.
O activista lucense incidiu en que o colectivo tratará “de presionar todo o posible, porque as medidas que anuncian algúns bancos hai que ver como se van desenvolvendo e ver o que achegan”.
Sobre esas pautas que algunhas entidades tomarían, para desagraviar os maiores, Méndez expuxo que “ata agora o único que dixeron é que ampliaban o horario ata as dúas da tarde e iso non significa nada“.
