InicioSociedadeSeguen subindo os contaxios en Lugo; case 300 novos o día de...

Seguen subindo os contaxios en Lugo; case 300 novos o día de Nadal

Tamén se incrementou a presión hospitalaria.

PUBLICADA O

- Advertisement -

A sexta onda da pandemia da covid-19 en Galicia superou xa os picos do cinco anteriores, ao contabilizar xa máis de 24.000 casos activos. A anterior cifra máis grande deuse o 29 de xaneiro deste ano, cando había 22.909 pacientes de coronavirus. Tamén soben os novos casos na provincia de Lugo, ata case os 300.

En concreto, segundo os datos publicados este domingo 26 de decembro, con rexistros ata as 18,00 do sábado 25, o Servizo Galego de Saúde (Sergas) contabiliza 24.525 casos activos da enfermidade, tras subir en 1.903 nas últimas 24 horas analizadas.

Esta subida replicouse no último día en todas as áreas sanitarias cunha única excepción, a de Ourense-Verín-O Barco de Valdeorras. Na de Lugo-A Mariña-Monforte son 1.977 (+237).

CASE 300 CONTAXIOS

No que respecta ás novas infeccións, a cifra de 2.778 supón un respiro despois de tres días consecutivos de marca en Galicia. Son 322 contaxios detectados menos que o día previo, cando houbo 3.100. Con todo aumentaron na de Lugo-A Mariña-Monforte, con 297 novos casos.

PRESIÓN HOSPITALARIA

A pesar das cifras de marca tanto en contaxios como en casos activos, a presión hospitalaria mantense máis ou menos estable, ao sumar nas últimas horas só tres ingresados máis, ata os 278 en total. Deles, 219 están en planta –dúas menos– e 55 en unidades de coidados intensivos –cinco máis–. Por áreas sanitarias, a de Lugo-A Mariña-Monforte suma 23 (+2), seis deles en UCI (+1).

ÚLTIMAS

Investigan unha concentración ilegal de 200 vehículos e unhas 400 persoas en Outeiro de Rei

A Garda Civil investiga a catro persoas vinculadas cunha multitudinaria concentración ilegal de vehículos...

Catro investigados por unha concentración ilegal con 200 vehículos e unhas 400 persoas reunidas en Lugo

A Garda Civil investiga a catro persoas vinculadas cunha multitudinaria concentración ilegal de vehículos que tivo lugar en...

O Gran Premio de España de Motocrós traerá a Lugo aos mellores pilotos do mundo por segundo ano consecutivo

O conselleiro de Presidencia, Xustiza e Deportes, Diego Calvo, participou este xoves na presentación do...

O TSXG confirma 10 anos de cárcere a un home que violou a unha moza de 14 anos en Lugo, pero triplica a indemnización

A Sala do Civil e Penal do TSXG confirmou a sentenza da sección segunda...