InicioSociedadeO Club Fluvial de Lugo terá que eliminar unha piscina situada na...

O Club Fluvial de Lugo terá que eliminar unha piscina situada na canle do Miño

O presidente da Confederación Hidrográfica precisou que esas instalacións se sitúan "sobre unha hectárea de terreo", en concreto sobre 10.142 metros cadrados na ribeira do río Miño.

PUBLICADA O

- Advertisement -

O Club Fluvial de Lugo terá que eliminar unha piscina infantil na canle do río Miño, “un pretil entre terra firme e o río” e respectar a servidume do dominio público hidráulico.

Estas son algunhas das razóns polas que a Confederación Hidrográfica Miño-Sil rexeitou ao Fluvial a concesión, ao non ter en conta estas recomendacións.

O presidente da Confederación Hidrográfica Miño-Sil, José Antonio Quiroga, lembrou en rolda de prensa –na sede deste departamento do Ministerio de Medio Ambiente en Lugo– que a concesión ao Club Fluvial caducou en 2018 despois de 20 anos, mentres se lle denegou a licenza unha segunda vez por incumprimentos.

O “rexeitamento” veu dado porque “o proxecto non contempla a eliminación do obstáculos” e mantéñense “pechados” o cinco metros de servidume que se han de respectar.

Agora, ábrese un proceso de “concorrencia competitiva” para acceder á concesión, e poderíase presentar calquera ademais do propio Club Fluvial que leva traballando nesa zona do Miño máis de medio século.

Quiroga aclarou que “neste momento non hai concesión, está a tramitarse a extinción e iso ten un percorrido e uns procedementos de cara a unha hipotética terceira petición de concesión, que en calquera momento poderíase producir”.

O presidente da Confederación precisou que esas instalacións se sitúan “sobre unha hectárea de terreo”, en concreto sobre 10.142 metros cadrados na ribeira do río Miño.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...