- Advertisement -
Un helicóptero da Garda Civil que participa na procura do home de 53 anos de idade que desapareceu da súa casa no lugar de Ventosa, en Navia de Suarna, tivo que realizar unha aterraxe de emerxencia tras sufrir un incidente. Con todo, non se lamentaron danos persoais.
Segundo informou a Deputación de Lugo, este suceso motivará que a estrada LU-P-3502, que une as parroquias de Muñis e Rao, en Navia de Suarna, permaneza cortada ata que se poida retirar o helicóptero, que quedou situado á altura do quilómetro 5,2.
A institución provincial detallou que será na xornada do martes, tras a retirada do vehículo, cando se reabra a circulación desta vía.
