EFE | O Concello de Lugo informou de que está a piques de culminar as actuacións realizadas para acabar coas canalizacións de fibrocemento na cidade, dado que esta semana a xunta de goberno local adxudicará os traballos para renovar outras corenta acometidas no centro urbano.

Segundo confirmou o propio goberno local, a área de Medio Ambiente autorizou un investimento de 1,2 millóns de euros para substituír as canalizacións de fibrocemento por outras de fundición en 14 rúas da cidade.

En concreto, o último lote de obras será adxudicado á empresa Construcións Sanle, que será a encargada de executar o último dos sete proxectos elaborados polo Concello. A esa última intervención destínase un investimento de 186.512 euros e o prazo de execución será de seis meses.