A área sanitaria de Lugo rexistra este luns 26 de abril un total de 204 casos activos de coronavirus, dous menos ca os notificados na xornada anterior polo Sergas. Tamén baixan lixeiramente o número de novos positivos detectados a través de PCR nas últimas 24 horas e sitúanse así en 8.
Porén, medra a cifra de pacientes hospitalizados por Covid ao pasar de 13 a 15. Deles, 4 permanecen na Uci do Hula e os outros 11 están a ser atendidos en planta (5 no Hula, 3 na Mariña e outros 3 en Monforte).
Dende o inicio da pandemia faleceron 213 persoas diagnosticadas con coronavirus en Lugo, curáronse 11.951 e fixéronse 221.745 probas PCR.
GALICIA
Na comunidade galega tamén repuntan os ingresos por Covid-19 ata os 214 (+10) mentres que os novos contaxios caen por baixo dos 200 ata os 141. Os casos activos descenden lixeiramente despois de cinco xornadas consecutivas con tendencia á alza. Podes ler a información completa no Galicia Confidencial.
