- Advertisement -
EFE | O xerente da área sanitaria de Lugo, Ramón Ares, confirmou que o Sergas realizará esta fin de semana un cribado no barrio lucense de Montirón despois de que fosen detectados varios casos positivos nos últimos días.
Ares precisou á prensa que foron citados para ese cribado uns 250 veciños do barrio, que serán sometidos a probas PCR no “autoCovid” instalado no Hospital Universitario Lucus Augusti ( HULA).
Trátase, lembrou, de “detectar posibles casos asintomáticos” e de cortar “cadeas de transmisión”, para evitar que se poida perder o control sobre as mesmas. Tras a aparición de “varios casos positivos” no barrio nos últimos días, é unha forma “de darlle maior tranquilidade” aos veciños e tamén de ter o gromo “controlado”
