InicioSociedadeO TSXG confirma a condena para o adestrador que abusou dunha xogadora...

O TSXG confirma a condena para o adestrador que abusou dunha xogadora de 15 anos en Lugo

Imponlle cinco anos de prisión ao considerar probado que se aproveitou da rapaza, á que acosou dende o 2015 ao 2017.

PUBLICADA O

- Advertisement -

EFE |  A Sala do Civil e Penal do Tribunal Superior de Xustiza de Galicia (TSXG) confirmou a sentenza da sección segunda da Audiencia Provincial de Lugo que condenou a cinco anos de prisión e a outros cinco anos de liberdade vixiada ao adestrador dun equipo de fútbol sala de 60 anos por abusar sexualmente e de forma continuada dunha das xogadoras, de 15 anos.

Ademais, o fallo impúxolle a prohibición de comunicarse e aproximarse á vítima durante seis anos, así como a inhabilitación para calquera profesión ou oficio que conleve contacto regular e directo con menores durante cinco anos.

O tribunal considera acreditado, do mesmo xeito que a resolución de primeira instancia, que o acusado iniciou un achegamento sexual cara á menor en xullo de 2015, “prevaléndose da súa superioridade, ao ser adestrador e referente masculino da menor”.  Segundo a sentenza, o condenado continuou cos abusos, que levaba a cabo no seu vehículo e en lugares de pouca luz e escaso tránsito, polo menos ata xaneiro de 2017.

“A explicación da Audiencia resulta suficiente, pois non só se apoia na declaración substancial da vítima, que valora como convincente e crible, senón en elementos periféricos corroboradores”, destaca o TSXG na súa resolución.

O alto tribunal galego avala a aplicación do “prevalemento”, porque o acusado tiña 60 anos cando iniciou a relación coa vítima. Aproveitou “a súa condición de adestrador e mentor para gañarse a súa confianza, sendo coñecedor da situación de vulnerabilidade da menor, non xa polo dato obxectivo da idade, senón polas circunstancias familiares da vítima “, aclara.

ÚLTIMAS

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...