InicioSociedadeO 24% da poboación da área lucense xa recibiu polo menos unha...

O 24% da poboación da área lucense xa recibiu polo menos unha dose da vacina

Pouco máis dun 9% dos lucenses están completamente inmunizados tras aplicárselles as dúas doses.

PUBLICADA O

- Advertisement -

A área sanitaria de Lugo, A Mariña e Monforte de Lemos vacinou coas dúas doses ao 9,3% da súa poboación. Máis do 24% recibiron polo menos a primeira.

Así o manifestou este martes o xerente desta área sanitaria, Ramón Ares, quen destacou que seguen “vacinando aos grupos poboacionais” establecidos nos tres hospitais da provincia.

En concreto, detallou que ata este luns administráronse 110.252 doses de vacinas, que se traduce en 79.644 persoas cunha dose: o 24,2% da poboación de toda a área. Pola súa banda, hai 30.596 persoas coa pauta completada. É o 9,3% da poboación da provincia.

“Isto demostra o grande esforzo de todo o persoal da área sanitaria, en especial da enfermaría”, valorou o xerente da área de Lugo, quen incidiu en que o grupo de maiores de 80 anos practicamente conta con “un 90 e moito por cento de cobertura”. Só quedan “flocos”, puntualizou, debido a problemas de contacto.

Así mesmo, indicou que esta semana estase a levar a cabo a vacinación masiva de persoas de 70 a 79 anos. “Xa estamos polos 75-74 anos“, afirmou, para concluír que “ao terminar esta semana” estarán a vacinar “á poboación de 74 anos”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...