InicioSociedadeMaxisterio trasládase ao campus e cédelle o espazo a un novo Instituto...

Maxisterio trasládase ao campus e cédelle o espazo a un novo Instituto de Educación Secundaria

A Facultade de Formación do Profesorado mudarase a un novo edificio da zona universitaria, mentres que o inmoble da Avenida de Ramón Ferreiro comezaría a funcionar como IES no 2023.

PUBLICADA O

- Advertisement -

EFE | A Consellería de Cultura, Educación e Universidade asinou un protocolo xeral coa Universidade de Santiago de Compostela (USC) para reorganizar as infraestruturas educativas na cidade de Lugo, co traslado da Facultade de Formación do Profesorado ao campus universitario para converter o edificio que agora ocupa nun novo instituto no centro de Lugo.

O protocolo foi asinado este luns polo conselleiro de Cultura, Educación e Universidade, Román Rodríguez, e o reitor da Universidade de Santiago de Compostela, Antonio López.

A Facultade de Formación do Profesorado será trasladada a un novo edificio no campus universitario da cidade, mentres que o inmoble que agora ocupaba será cedido pola USC á Consellería de Educación para a creación dun novo instituto público, que comezaría a funcionar no curso 2023-2024.

ZONA DE CENTROS EDUCATIVOS

Desa forma, na mesma zona da cidade, nas inmediacións de Ramón Ferreiro, haberá un colexio -CEIP Anexa-, tres institutos -o novo, o IES Lucus Augusti e o IES Ollos Grandes- e un centro integrado de Formación Profesional -CIFP Politécnico-, ademais das correspondentes instalacións deportivas para os alumnos.

“A Xunta de Galicia creará unha gran área educativa no centro de Lugo, moi preto dun dos nosos elementos patrimoniais máis emblemáticos, como é a Muralla” romana, dixo Román Rodríguez, ademais de dar resposta á alta demanda de prazas de Secundaria nesa zona da cidade.

De feito, esa actuación sumarase ás melloras xa proxectadas nos institutos Lucus Augusti e Ollos Grandes, así como á ampliación do CIFP Politécnico, intervencións orzadas en 2,7 millóns de euros.

“É un acordo que fai cidade, pois supoñerá un impulso decidido ao campus e será enormemente beneficioso para o sistema educativo”, dixo Rodríguez.

A Xunta de Galicia financiará o 49% da construción do edificio que albergará no campus a Facultade de Formación do Profesorado, cunha achega máxima de 4 millóns de euros.

ÚLTIMAS

TSXG declara nulo o ‘catastrazo’ de Sarria tras unha demanda colectiva

A Sección Cuarta do Contencioso Administrativo do Tribunal Superior de Xustiza de Galicia declarou...

Detido un home por presuntas ameazas de morte contra a súa muller

A Policía Local de Lugo detivo por violencia de xénero a un home no...

A Deputación investirá máis de medio millón de euros en vías de Castroverde

A xunta de goberno da Deputación de Lugo aprobou este venres novas investimentos por...