InicioSociedadeA ADR-Comarca de Lugo incorpórase á rede Eurodesk

A ADR-Comarca de Lugo incorpórase á rede Eurodesk

Este proxecto dirixido á mocidade achega información sobre oportunidades de traballo, formación, voluntariado, bolsas, prácticas ou competicións a nivel europeo.

PUBLICADA O

- Advertisement -

A Asociación de Desenvolvemento Rural da Comarca de Lugo únese á rede Eurodesk e convértese así no único punto deste proxecto na provincia de Lugo. Trátase dunha asociación internacional sen ánimo de lucro e de apoio a Erasmus+, para dar información sobre as oportunidades de traballo, formación, voluntariado, bolsas, prácticas ou competicións a nivel europeo.

O alcalde de Friol, José Ángel Santos, celebra a incorporación da ADR que preside (e que inclúe os concellos de Lugo, Castroverde, Guntín, Friol, O Corgo, Outeiro de Rei e Rábade) a este proxecto do que existen máis de 1.600 puntos de información locais en 36 países europeos.

Así, Eurodesk é a principal fonte de información xuvenil sobre políticas europeas, información sobre mobilidade e oportunidades educativas non formais. Responde consultas e ofrece orientación para mozos móbiles de toda Europa, ademais de actualizar e xestionar o contido do Portal Europeo da Xuventude.

A Rede reúne a máis de 1.600 provedores locais de información xuvenil, os chamados “multiplicadores e embaixadores”, que son organizacións rexionais ou locais que traballan de primeira man cos mozos. Dende a organización promóvese o voluntariado, os intercambios xuvenís, as bolsas e as prácticas laborais.

ÚLTIMAS

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...

Inundados tres dos catro pasos sobre o río Ladro en Begonte

As intensas precipitacións da xornada do domingo provocaron o desborde do río Ladra ao seu paso...