O Sergas informa este mércores 17 de xaneiro dun total de 210 casos activos por coronavirus na área sanitaria de Lugo, cinco máis ca os que notificaba na xornada de onte. É, polo tanto, o segundo día consecutivo cun lixeiro aumento de pacientes con infección activa. No entanto, o número de novos positivos detectados a través de PCR nas últimas 24 horas é de 10.
Os hospitais ven reducida a presión asistencial, ao rexistrar un paciente menos en planta e outro na Uci. En total hai 23 persoas hospitalizadas con Covid-19: 18 delas están en unidades de hospitalización (11 no Hula, 3 na Mariña, outras 3 en Monforte, 1 no Polusa) e 5 nas unidades de críticos.
Dende o inicio da pandemia faleceron en Lugo 210 persoas que foran diagnosticadas co virus, curáronse 11.373 e realizáronse 197.854 probas PCR.
GALICIA
Galicia volveu rexistrar un descenso da presión hospitalaria e os pacientes Covid hospitalizados sitúanse por baixo dos 300, ao reducirse ata os 293, o que supón 20 menos que os 313 da xornada anterior. Mentres, os contaxios detectados repuntaron a 148. Podes ler a información completa no Galicia Confidencial.
