Os casos activos en Lugo sitúanse en 203, cen menos ca hai unha semana

Segundo datos do Sergas, hai 19 persoas ingresadas con coronavirus en planta e outras seis nas Uci.

Probas de COVID-19 desde o coche / EP

A área sanitaria de Lugo rexistra este luns 15 de marzo un total de 203 casos activos por coronavirus1 menos ca os contabilizados onte polo Sergas. Nas últimas 24 horas confirmáronse 9 novos positivos, un dato bastante similar ao da xornada anterior, cando se detectaron unha ducia de contaxios a través de PCR.

A situación nos hospitais tampouco variou moito: o Sergas conta 25 persoas ingresadas na provincia (+1). Delas, 19 están en planta (12 no Hula, 2 na Mariña, 4 en Monforte e 1 no Polusa) e outras 6 nas unidades de críticos do Hula.

Dende o inicio da pandemia, faleceron 210 doentes diagnosticados con coronavirus en Lugo, curáronse 11.462 persoas e realizáronse 196.587 PCR

GALICIA

No conxunto galego volveuse producir unha repunta no número de hospitalizacións por Covid-19. En total, hai 325 ingresadas (+5), aínda que si que diminuíron os pacientes en UCI (74, un menos). Podes ler a información completa no Galicia Confidencial.

DEIXAR UN COMENTARIO

Please enter your comment!
Please enter your name here