A área sanitaria de Lugo rexistra este xoves 18 de febreiro un total de 1.020 casos activos de coronavirus; isto é, 66 menos ca onte. Nas últimas 24 horas confirmáronse 34 novos positivos a través de PCR, unha cifra similar á das xornadas pasadas e que, polo tanto, vén a demostrar unha estabilidade no número de contaxios detectados.

No día de hoxe, o Sergas tamén notifica un descenso na presión hospitalaria, con 71 pacientes ingresados (-7): 49 en planta (32 no HULA, 6 na Mariña, 10 en Monforte, 1 no Polusa) e 22 na Uci (tres menos ca onte: todos no HULA).

Non houbo comunicación de falecementos de persoas diagnosticadas coa Covid-19, polo que o total de vítimas mortais da pandemia en Lugo mantense en 196. Pola súa parte, curáronse 10.196  persoas e realizáronse 178.945 PCR (733 onte).

GALICIA

Tamén se aprecian signos de que a terceira onda remite a nivel galego. Os pacientes con Covid-19 hospitalizados seguen en descenso e sitúanse en 863, o que supón 61 menos que a xornada anterior. Igualmente, os casos activos de coronavirus manteñen a tendencia descendente e caen a 10.908. Podes ler a información completa no Galicia Confidencial.