A área sanitaria de Lugo rexistra este venres 5 de febreiro 2.023 casos activos de coronavirus, 82 menos ca os contabilizados onte. Nas últimas 24 horas confirmáronse 73 novos diagnósticos a través de PCR.

En canto á presión asistencial, parece estabilizarse nos últimos días. O Sergas volve comunicar hoxe 91 hospitalizacións, as mesmas ca onte, aínda que cun paciente máis na UCI. Hai, en concreto 64 pacientes en planta (38 no HULA, 5 na Mariña e 21 en Monforte) e outros 27 en unidades de críticos (25 no HULA e 2 na Mariña). O Hospital Polusa queda outra vez libre de pacientes con coronavirus.

Do mesmo xeito, Sanidade conta 178 mortes dende o inicio da pandemia na provincia de Lugo, 8.748 persoas curadas e 164.911 probas PCR realizadas (onte 1.437).

GALICIA

Os hospitalizados con Covid-19 en Galicia seguen en descenso, con 28 menos, a pesar de subir en catro os que permanecen en UCI ata os 251. Ademais, os casos activos continúan reducíndose e sitúanse en 21.686, o que supón 713 menos. Así se desprende dos datos publicados este venres pola Consellería de Sanidade con rexistros ata as 18:00 horas do xoves, recollidos por Europa Press. Podes ler a información completa no Galicia Confidencial.