InicioSociedadeO alcalde de Portomarín chama ao "autoconfinamento" tras pasar de 0 casos...

O alcalde de Portomarín chama ao “autoconfinamento” tras pasar de 0 casos a entre 12 e 20

"Se isto nun ou dous días non o paras, haberá que facer PCRs e cribados", asegura.

PUBLICADA O

- Advertisement -

O alcalde de Portomarín, Juan Serrano, fixo un chamamento aos seus veciños para que se “autoconfinen” ao dispararse os contaxios por Covid-19. Estimou que na actualidade conviven con “entre doce e 20 casos” positivos.

Ademais de apelar ao “autoconfinamento”, o rexedor puntualizou que se pecharon todos os servizos municipais que non son “esenciais” para frear a escalada de contaxios. “A única forma de parar a viaxe do virus dun sitio a outro (o autoconfinamento) e así decretamos o peche tamén deses servizos municipais e reforzamos a vixilancia en zonas de concorrencia obrigada como farmacias, supermercados ou o centro de saúde, desinfectando as zonas comúns”, concretou.

Tamén se suspendeu o servizo de Atención Domiciliaria durante quince días, despois de analizar a situación e consultar cos propios usuarios, sinalou. En canto á incidencia, Serrano calculou que teñen “entre 12 e 20 casos”, o que suporía sobre “o un por cento” da poboación de Portomarín, que supera os 1.400 habitantes.

“Esta porcentaxe paréceme unha barbaridade, sobre todo nun concello que estivo en cero ou cun caso só. Se isto nun ou dous días non o paras, haberá que facer PCRs e cribados“, advertiu finalmente o alcalde de Portomarín.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...