A área sanitaria de Lugo rexistra este martes 2 de febreiro un total de 2.135 casos activos de coronavirus (cinco máis ca onte). Ao tempo, nas últimas 24 horas confirmáronse 64 novos positivos entre as 1.025 probas PCR realizadas, unha cifra moi inferior aos datos que manexaba o Sergas en días anteriores. Porén, a caída de casos non se traduce aínda nunha baixada na presión asistencial, que de momento segue en aumento.

De feito, Sanidade comunica 92 hospitalizacións na área: 72 en planta (43 no HULA, 10 na Mariña, 16 en Monforte, 1 no Polusa) e outros 22 nas Unidades de Coidados Intensivos (20 no HULA e 2 na Mariña). As Uci da provincia nunca tiveron tantos pacientes de Covid de maneira simultánea.

Por outra banda, o Sergas refire 172 falecidos dende o inicio da pandemia, fronte a 8.101 persoas curadas. Isto supón 73 altas no día de onte. Ademais, dende marzo ata agora,  efectuáronse 160.818 PCR.

GALICIA

O total de hospitalizados con Covid-19 en Galicia descendeu en 24 pacientes, pero aumentaron os ingresados con coronavirus en UCI en 11 ata situarse nos 253. Con respecto á xornada pasada aumentaron lixeiramente os contaxios, cun milleiro máis. Podes ler toda a información no Galicia Confidencial.