O Servizo Galego de Saúde (Sergas) non prevé “de momento” despregar hospitais de campaña para atender a enfermos de covid-19, xa que continuará cos complexos de Vigo e Lugo como “hospitais de apoio” para o resto de áreas sanitarias.
Na rolda de prensa posterior á reunión do comité clínico deste luns, na que anunciou medidas máis duras para loitar contra a pandemia, o presidente da Xunta, Alberto Núñez Feijóo, confirmou que a “estratexia” por agora é “rotar” os pacientes pola rede de centros públicos.
“Temos hospitais, desde o punto de vista sanitario, cun nivel aceptable tanto de ocupación de UCI como de camas covid”, asegurou o máximo mandatario autonómico, quen por iso dixo que cos centros de Vigo e Lugo pódese “beneficiar a aqueles que teñan un nivel de saturación maior”.
Neste sentido, Feijóo insistiu en que “de momento” non hai previsto despregar hospitais de campaña, pero si recoñeceu que, como “caso último”, o Sergas xa ten “perfectamente medido” como facelo. “Sobre todo na Coruña e, secundariamente, en Santiago”.
Please wait while you are redirected...or Click Here if you do not want to wait.
