Un condutor foi rescatado polos efectivos de emerxencia despois de sufrir un accidente co seu coche, que se precipitou por un terraplén no termo municipal de Navia de Suarna.

Segundo informa o CIAE 112 Galicia, o sinistro ocorreu ao redor das 23:00 horas da noite do sábado na estrada LU-P-3501, á altura da parroquia de Galegos. O envío das coordenadas da súa posición a través da aplicación de mensaxería WhatsApp foi clave para que os servizos de emerxencias desen co accidentado.

Unha vez posto a salvo, o ferido foi trasladado por unha dotación de Urxencias Sanitarias 061 ao Hospital Lucus Augusti de Lugo para recibir atención médica.